Referi kryesor i ndeshjes mes Dukagjinit dhe Prishtinës, Mentor Ajeti, e ka pranuar gabimin e bërë në këtë ndeshje kur e pranoi golin e parregullt të klinasve.
Ai madje i ka kërkuar falje klubit Bardhekaltër për këtë gabim, për të cilin thotë se është i paqëllimshëm.
“Edhe unë dua ti kërkoj falje FC Prishtinës, FFK-së dhe gjithë futbolldashësve dhe shpresoj që gabimi që unë kam bërë ditën e djeshme të konsiderohet si gabim i imi dhe ekipit të gjyqtarëve dhe jo të etiketohen njerëz të tjerë” ka thënë ndër të tjera Ajeti.
Dukagjini triumfoi 1:0 ndaj Prishtinës në stadiumin “18 Qershori”, me prishtinasit që janë ankuar në golin e vetëm që vulosi epilogun e këtij takimi.
Prishtinasit e lëshuan mbrëmë një komunikatë duke u ankuar në referimin, të cilin e kanë konsideruar si skandaloz, ndërsa kryeqytetasit e kërkuan edhe përsëritjen e ndeshjes.
Ai përmes një njoftimi, krahas FC Prishtinës, iu kërkoi falje edhe Federatës së Futbollit të Kosovës dhe sportdashësve, derisa për gabimin tha se është njerëzor, i cili mund t’i ndodhë gjithkujt, madje edhe në ligat më të forta evropiane.
Ai ka thënë se do të vazhdojë të jap kontributin tim dhe do të pranoj çdo vendim që vjen nga FFK.