Ish-komandanti i Zonës Operative të Llapit, Rrustem Mustafa-Remi, ka thënë se Kosova duhet të kërkoj nga NATO që KFOR-i bashkë me Policinë e Kosovës dhe EULEX-in të udhëheqë në inspektimin dhe të bëjë demilitarizimin “e murgjeve (manastireve) serbe në Kosovë”.
“Historikisht, Serbia ka përdorur manastiret për qëllime nacionaliste dhe, siç dëshmon sulmi i fundit terrorist, edhe për shërbime të këqija grupeve terroriste. Armët e gjetura në Manastirin e Banjskës tregojnë se ky vend është shfrytëzuar nga grupet terroriste, të cilat janë mbështetur nga Serbia”, ka shkruar Remi.
Sipas ish-komandantit të Zonës Operative të Llapit, KFOR-i duhet të veprojë menjëherë për të inspektuar të gjitha manastiret dhe për “të çlirojë” këto vendet nga prania e armëve dhe bandave terroriste.
Remi ka shtuar se ky veprim do të rriste besimin dhe sigurinë e qytetarëve në Kosovë.