Pothuajse 1 mijë emigrantë kanë kaluar Kanalin Anglez me 24 varka të vogla të shtunën e 29 tetorit, sipas Ministrisë së Mbrojtjes.
Shifër e cila e çon numrin total në 6 mijë e 395 të emigratëve të cilët e kanë bërë këtë udhëtim nga Franca gjatë muajit tetor.
Numrat e qeverisë tregojnë se 39 mijë e 430 njerëz kanë kaluar me varka të vogla deri më tani këtë vit.
Kushtet në një qendër të përpunimit të migrantëve në Manston janë përshkruar si “të mjerueshme”.
Kryeinspektori i pavarur i kufijve dhe emigracionit, David Neal kishte vizituar aeroportin Manston të hënën e 24 tetorit i cili kishte paralajmëruar se tashmë e kishte kaluar pikën e të qënit i pasigurt.
Ai iu ka thënë deputetëve se i kishte shkruar sekretarit të brendshëm për kushtet e rrezikshme në qendër, të drejtuar nga Ministria e Brendshme, duke shtuar se në qendër kishin qenë 2 mijë e 800 persona, raporton BBC.
Ndërkaq, zyrtarët e Home Office i kanë thënë Komitetit të Punëve të Brendshme se kombësia e atyre që kalonin Kanalin po ndryshonte, me shqiptarët tani grupi më i madh.