Pothuajse 2 mijë punëtorë janë larguar nga puna në portin më të madh të kontejnerëve në Britani në ditën e parë të një greve tetëditore.
Rreth 1 mijë e 900 anëtarë të Unite, duke përfshirë shoferë vinçash, operatorë makinerish, kanë marrë pjesë në grevën e parë që nga viti 1989 për të prishur portin.
Sindikata ka paralajmëruar se ndalimi në port, i cili trajton pothuajse gjysmën e mallrave me kontejnerë që hyjnë në vend, do të ketë një ndikim të rëndësishëm në zinxhirët e furnizimit në Britaninë e Madhe dhe në sektorët e logjistikës dhe transportit.
Sekretarja e përgjithshme e Unite, Sharon Graham, ka thënë se doket e Felixstowe janë “jashtëzakonisht fitimprurëse”.
“Shifrat e fundit tregojnë se në vitin 2020 ajo bëri 61 milionë funte fitime”.
“Kompania ‘CK Hutchison Holding Ltd’ është aq e pasur saqë, në të njëjtin vit, u ka shpërndar 99 milionë funte aksionerëve të saj”.
“Kështu që ata mund t’u japin punonjësve të Felixstowe një rritje të mirë pagash,” ka shtuar ajo.
Ndërkaq, porti i Felixstowe është shprehur “i zhgënjyer” që Unite “nuk kishte ardhur në tryezë për diskutime konstruktive për të gjetur një zgjidhje”.
“Ne e kuptojmë se këto janë kohë të vështira, por ne besojmë se oferta e kompanisë, me vlerë mbi 8% mesatarisht është e drejtë”.
“Porti shpreh keqardhje për ndikimin që ky veprim do të ketë në zinxhirët e furnizimit në Mbretërinë e Bashkuar… nuk do të ketë fitues nga ky veprim industrial i panevojshëm”, thuhet në një deklaratë, raporton Sky News.
Sipas kompanisë, sindikata e stafit të Portit të Felixstowe, që përfaqësohet nga rreth 500 pozicione, ka votuar për të pranuar të njëjtën ofertë pagash që Unite kishte refuzuar t’u jepte anëtarëve të saj.