Ardhja e mërgimtarëve në vendin e tyre, bënë që 3 muajt e verës rrugët të jenë më të ngarkuara, e gjithë kjo për shkak të fluksit të madh të automjeteve të shtuara.
Eksperti i komunikacionit, Nol Dedaj thotë se në sezonën verore shtohen hiç më pak se rreth 50 mijë vetura.
“Sezona verore muaji qershor korrik dhe gusht janë më të ngarkuara, ku hiç më pak se reth 50 mijë automjete na shtohen dhe kjo është njëri prej elementeve kryesore që ne na vështirësohet qarkullimi i automjeteve,” tha Dedaj në emisionin “Rreth e Rrotull”.
Ndërsa, Dedaj thotë se për tejkalimet që bëhen nga drejtuesit e automjeteve që “nuk iu pritet” kjo është një ndër arsyet se pse ndodhin aksidentet e shtohet numri për këta tre muaj.
Dedaj shton se nëse do të kishte rrugë që lidhen me autostradën dhe lidhja me rrugë nacionale do i kishte shkarkuar shumicën e qyteteve nga ngarkimi i komunikacionit.
“Mungon menaxhimi i mirëfilltë, mungojnë rrugët alternative, edhe pse i kemi rrugët alternative por de facto qendra e qytetit është e tmerrshme për shkak të mungesës së lidhjes me autostradën dhe lidhja me rrugë nacionale që e kishin shkarku shumicën e qyteteve e pastaj ndodhin këto nervoza të tejkalimeve.”