Serbi Nenad Orlloviq, i njohur si “Rusi”, është dënuar me 15 muaj burgim dhe më 12 mijë euro gjobë nga Gjykata Themelore në Prishtinë, për sulm ndaj pjesëtarëve të KFOR-it dhe Policisë së Kosovës në maj të vitit të kaluar.
Avokati Tomë Gashi vendimin e sotëm ndaj serbit i njohur si “Rusi” e ka quajtur “befasues”, por në prizmin e tij si avokat ka deklaruar se tri herë më shumë është befasuar nga vendimi që gjyqtarja në këtë rast ka marrë. Gashi ka thënë se vendimet e tilla ndaj sulmuesve janë si “dhuratë” ndaj tyre e jo ndëshkim i drejtë nga organet kompetente.
Gashi deklaroi në “Five” të Dukagjinit se dënimi me 15 muaj burgim dhe me 12 mijë euro gjobë është dënim i “dëmshëm”.
“ Derisa e kam marrë vesh emrin e gjyqtares, kam qenë pak i befasuar nga vendimi i sotit, e kur e kam kuptu emrin e gjyqtares unë kam qenë tri herë i befasuar me vendimin e saj, për shkak të dënimit i cili është minimal dhe pjesa tjetër e lojës edhe prokuroria edhe mbrojtja e të akuzuarit janë pajtuar me këtë vendim. Në situatë të caktuara, nëse ka një sjellje jo të mirë ndaj Policisë ose ndonjë zyrtar të policise, ndaj ushtarëve të FSK-së apo KFOR-it, vendimi është ashtu rreth 15 muaj denim. Prizmin tim, është tepër e dëmshme, sepse juridikisht nuk kemi ditur të ruajmë Forcat e KFOR-it”, deklaroi Gashi.
Vendimet e tilla, sipas Gashit, mund të inkuarojnë të gjithë për “sulme të mundshme ndaj zyrtarëve të KFOR-it”.