Prindon Sadriu- Zotëriu dhe Bashkëshorti i presidentes Vjosa Osmani ka marrë pjesë në drekën e Zonjës së Parë franceze, Brigitte Macron në margjinat e Lojërave Olimpike “Paris” 2024.
Sadriu përmes një postimi në rrjetin social “Facebook” ka shkruar se me ftesën e zonjës së parë franceze ka marrë pjesë në drekën ku ishin 50 zonja dhe dy zotëri të pranishëm.
“Ndjehem jashtëzakonisht i nderuar nga ftesa për drekë nga Zonja e Parë franceze, Brigitte Macron, në mesin e 50 zonjave të para dhe dy zotërive të parë të pranishëm. Ishte një përvojë e veçantë të jem në tavolinën kryesore së bashku me zonjën Macron, Dukeshën e Madhe të Luksemburgut dhe zonja të tjera lidere”, ka pohuar ai.