Janë orët e para të hapjes së qendrave të vendvotimit në veri të Kosovës, për Zgjedhjet e Jashtëzakonshme Lokale, ndërsa sipas gazetarëve të RTV Dukagjinit, të cilët janë në terren deri tani, në njërën nga vendvotimet në Leposaviq kanë thënë se kanë votuar dy qytetarë të komunitetit serb.
Lajmin për RTV Dukagjini e ka bërë të ditur komisioneri, Enver Aliu.
“Po, i kemi dy votues për momentin, po presim edhe të tjerë. Kanë qenë serbë…”, ka deklaruar Aliu.
Në këtë qendër, tregon Aliu, janë gjithsej 13 mijë e 318 qytetarë me të drejtë vote.
Materiali zgjedhor në këtë pikë ka arritur rreth orës 6:30, mëngjesin e së dielës.