Të dielën është mbajtur edicioni i 64-të i çmimeve Grammy në Las Vegas. Gjatë kësaj mbrëmjeje, në skenë, për të prezantur çmimin për Këngën e Vitit në Grammy ishte muzikanti amerikan Questlove, emri i tij i lindjes është Ahmir Thompson.
Ndërsa qëndroi në skenë, bëri një shaka rreth Will Smith-it që goditi Chris Rock-in në Academy Awards fundjavën e kaluar, ai i tha audiencës së mbushur me yje ndërkombëtare se, përderisa ta prezantojë çmimin shikuesit të qëndrojnë 500 metra larg tij, duke shtuar, që po lunate me fjalë.
Në ndarjen e çmimeve të Akademisë Oscars, prezantuesi Chris Rock ishte gati t’i jepte Questlove trofeun për filmin dokumentari më i mirë për “Summer of Soul”, kur Smith doli në skenë dhe e goditi Rockun për një shaka ndaj gruas së tij, Jada Pinkett Smith.
Po ashtu në fillim të Grammy, edhe prezantuesi Trevor Noah hodhi një shaka delikate për shuplakën e Oscars gjatë monologut të tij.
Noah u tall me incidentin, duke thënë: “Ne do të dëgjojmë pak muzikë. Ne do të kërcejmë, do të këndojmë. Ne do të mbajmë jashtë gojës emrat e njerëzve dhe do të japim çmime gjatë gjithë natës.”
Questlove fitoi çmimin Grammy për filmin më të mirë muzikor për “Summer of Soul” të dielën.
E po ashtu, vetë ai, më 1 prill, shkroi në llogarinë e tij në Twitter për t’i kërkuar publikut të ndalonte së foluri për incidentin famëkeq të Oscars 2022.