Është raportuar se katër persona kanë vdekur të dielën në një garë me dema në Kolumbi, ngase stadiumi ku po mbahej ngjarja u shemb pjesërisht.
Ngjarja ka ndodhur në qytetin El Espinal, ndërsa siç raporton “Thedailybeast”, përgjatë zhvillimit të garës, një pjesë e tribunave të stadiumit është shembur duke shkaktuar lëndime te qindra shikues.
Autoritetet njoftuan se të paktën një fëmijë është në mesin e viktimave.
— Elizabeth Cristina Ortiz Peña (@ElizbethCristi7) June 26, 2022
Tribuna u shemb për shkak të mbingarkesës.
“Ne kemi nevojë për mbështetje nga ambulancat dhe spitalet fqinje, shumë njerëz ende janë të patrajtuar”, ka deklaruar kreu i bashkisë, Juan Carlos Salas.
Në mes të tjerash, një dem ka ikur nga vendi ku po mbahej gara, duke i detyruar banorët të largohen nga rrugët dhe të fshihen në objekte. Kafsha ende nuk është kapur.