Qendra Kombëtare për Menaxhim Kufitar njofton se pikat e kalimit kufitar me Serbinë, Jarinja dhe Bërnjaku vazhdojnë të jenë të mbyllura, pas sulmit terrorist që ndodhi më 24 shtator, në Banjskë të Zveçanit.
Grupe të armatosura terroriste hynë në Kosovë dhe sulmuan Policinë e Kosovës, gjë që bëri që të mbyllen këto dy pika.
Policia dhe ky grup patën përleshje të armatosura, ku mbeti një polic i vrarë dhe një tjetër i plagosur. Ndërsa, nga ana e sulmuesve mbetën tre të vrarë.
Autoritet kosovare kanë fajësuar Beogradin zyrtar se është i përfshirë në këtë sulm, kurse ndërkombëtarët e kanë dënuar ashpër këtë sulm terrorist.