“Shota” është vetura e parë e blinduar ushtarake e prezantuar nga kompania “Timak”.
Para disa javësh Ministri i Mbrojtjes së Shqipërisë, Niko Peleshi kishte paraljmëruar për prototipin e makinës së parë të blinduar ushtarake, “Made in Albania”.
Peleshi kishte treguar se ekipi i “Timakut” përbëhet nga një ekip që ka 75 për qind vajza të reja, ku sipas njoftimit të tij, kjo kompani eksporton makina në 20 shtete të botës.
Në prezantimin e prototipit në një video në rrjete sociale tregohet se emri i veturës së parë të tillë është “Shota”.
“SHOTA, automjeti i parë ushtarak shqiptar, lindur nga zemra e kombit tonë dhe krijuar nga forca e grave të jashtëzakonshme. E fortë, sypatrembur, krenare – SHOTA mishëron frymën e inovacionit dhe fuqizimit”, shkruhet në përshkrim të videos.