Selektori i Shqipërisë, Sylvinho ka publikuar formacionin për ndeshjen kundër Moldavisë, e cila nis në orën 18:00.
Ai nuk ka bërë ndryshime nga ndeshja e fundit, ndonëse në përbërjen e parë është rikthyer mbrojtësi Ardian Ismajli që mungoi ndaj Çekisë. Ismajli ka zëvendësuar Arlind Ajetit që u largua nga grumbullimi për shkak të lëndimit.
Krahas Ismajlit, në mbrojtje janë edhe Mario Mitaj, Berat Gjimshiti e Elseid Hysaj. Para mbrojtjes, janë vendosur Kristjan Asllani e Ylber Ramadani, ndërsa Nedim Bajrami qëndron prapa vijës së sulmit.
Sokol Çikalleshi luan në qendër të sulmit, ndërsa nga krahët e përkrahin Taulant Seferi e Jasir Asani. Ndërkohë, porta i është besuar Etrit Berishës.
Kjo ndeshje i takon Grupit E kualifikues për “Euro 2024”, ndërsa Shqiëprisë i mjafton një pikë për ta konfirmuar kualifikimin në këtë turne që mbahet vitin tjetër në Gjermani.
Ndryshe, Shqipëria gjendet në vendin e parë me 13 pikë, Çekia në pozitën e dytë me 11 pikë, Polonia në vendin e tretë me 10, Moldavia në vendin e katër me nëntë pikë dhe Ishujt Faroe në vendin e fundit me vetëm një pikë.