Vazhdon të bjerë numri i pacientëve që janë duke u trajtuar në Shërbimin Spitalor Klinik dhe Universitar të Kosovës (ShSKUK).
Sipas raportit të publikuar nga ta, të martën e 16 gushtit në trajtim për Covid-19, janë 44 pacientë nga e gjithë Kosova.
Ndërkaq, në Klinikën Infektive gjenden 12 pacientë, plus tre në mjekim intensiv me oksigjeno-terapi, në Klinikën e Pediatrisë, pesë pacientë, në klinikat e Gjinekologjisë, një paciente, në Klinikën e Neonatologjisë, një foshnje dhe në Mjekim Intensiv Qendror, dy raste
ShSKUK, po ashtu, bën të ditur se tetë pacientë janë duke u trajtuar në Spitalin e Pejës, pesë në Spitalin e Gjakovës, katër në të Prizrenit dhe tre në të Gjilanit.
Ndërkaq, Ministria e Shëndetësisë ka njoftuar se të martën kanë rezultuar me 413 raste pozitive të infektuar me Covid-19.
Raste aktive janë 5 mijë e 732 persona. Ministria e Shëndetësisë vazhdimisht është duke bërë thirrje për vaksinim me dozën e parë, të dytë dhe të tretë.