Për pesë ditë, të “dashuruarit” në libra patën mundësinë që të bëjnë zgjedhjen e titujve të ri për ta pasuruar bibliotekën e tyre.
Kështu, përzgjedhjet e tyre ata i bënë gjatë Panairit të 24 të Librit në kryeqendrën e Kosovës, në Prishtinë.
Ata që deshtën leximin, nuk iu deshtë shumë për të kërkuar, të gjitha që u interesonin i gjetën tek stenda e Shtëpisë Botuese “Dukagjini”.
E veçanta që nuk do t’i mungonte as këtë vit, ishte që Shtëpia Botuese ‘Dukagjini’ për të dytën herë fitoi çmimin për përkthimin më të mirë.
Bëhet fjalë për librin e Primo Levi që titullohet “Të mbyturit dhe të shpëtuarit”.
Bashkimi kombëtar mes librash, janë disa nga fjalët e Aida Baro, përkhyeses së librit që flet edhe për rëndësinë e këtij çmimi që mori Shtëpia Botuese “Dukagjini”
“Le të themi shqiptarët e Shqipërisë dhe Kosovës e kanë bërë tashmë bashkimin kombëtar mes kulturës, bashkëpunimeve e përkthimeve dhe jo vetëm në rastin tim, më vjen shumë mirë që në këtë bashkëpunim të parë me shtëpinë botuese Dukagjini, u kurorëzua me një sukses të tillë dhe një çmim të tillë. Primo Levi është një nga ata shkrimtarë që i vyjn do të thoshit ju i vlejnë të gjitha kohërave”, Aida Baro- Përkthyese.
Por, ajo çfarë ofroi Shtëpia Botuese “Dukagjini” në këtë panair sipas Liridona Bytyqit, është shumë më e madhe.
“Shtëpia botuese Dukagjini ka sjellë shumë tituj të ri në këtë panair, kemi edhe shumë tituj që kemi pasur edhe vitin e kaluar në Tiranë, ne kemi sjellë në këtë panair dy tituj të ri, në kolanen Fryma, që janë metafizika e seksit dhe karizma, kjo kolane përmban libra më studimor dhe nga shkenca humane”, tha Liridona Bytyçi – Shtëpia botuese ‘Dukagjini’
Ndërkohë që mëse të kënaqur me “Dukagjinin” dolën qytetarët që vizituan panairin.
“Zakonisht e vizitojmë çdo vit këtë panair jemi të kënaqur në përgjithësi me librat që ofrohen me reklamen që iu bëhet librave në përgjithësi jemi të kënaqur”, deklaroi Xhavit Hyseni – Vizitor.
“ Është një prej shtëpive botuese që e vizitojë më së shumti këta kanë edhe ata libra që unë pëlqejë, në fushën e historisë kanë mjaft libra, kanë edhe zbritje disa herë, e përdori edhe App, që e kanë bërë këtë vit”, tha vizitori, Naim Zyberaj.
Një ditë para se të mbyllet panairi përveç librave “Dukagjini” për lexuesit ofroi nga afër edhe autorët e tyre.
Lexuesit patën rastin të takohen me autorin e “Komploti”-t, Ben Blushin dhe autorin e “Amanete zemre”, Enver Petrovci.