Ish-kryetari i Asamblesë së Gjyqtarëve në misionin e Bashkimit Evropian(BE) për Sundim të Ligjit (EULEX), Malcolm Simmons, ka kërkuar liberalizimin e vizave për Kosovën.
Përmes një postimi në Twitter, Simmons ka shkruar se kosovarët janë lodhur nga premtimet e pafundme dhe se fjalët nuk mjaftojnë më.
The people of Kosovo are tired of the endless promises. Only action will restore credibility. Words are no longer enough. https://t.co/1RMeSLwREM
— Judge Malcolm Simmons (@SimmonsJudge) July 18, 2022
Sipas tij, vetëm një veprim konkret për heqjen e vizave do ta rivendoste besimin e qytetarëve të Kosovës në Bashkimin Evropian.
“Populli i Kosovës është i lodhur nga premtimet e pafundme. Vetëm veprimi do të rivendosë besueshmërinë. Fjalët nuk mjaftojnë më”, ka shkruar Simmons.
Ndryshe, kjo nuk është hera e parë që Simmons bën thirrje për liberalizim të vizave për Kosovën.
Një gjë të tillë e ka bërë edhe në Samitin e BE-së që u mbajt në qershor.
Me anë të një postimi në Twitter, Simmons kishte thënë se nga ajo që ka mësuar për popullin e Kosovës gjatë kohës që ka shërbyer në Prishtinë, është se ai është i qëndrueshëm dhe i ka kapërcyer fatkeqësitë.
Ai ka thënë se Kosova ka bërë gjithçka çka i është kërkuar dhe një ditë do të shpërblehet.
“Një gjë që mësova për popullin e Kosovës është se ju jeni një popull i fortë që gjithmonë do t’i kapërceni fatkeqësitë. Ju keni bërë gjithçka që ju është kërkuar. Një ditë do të shpërbleheni”, kishte shkruar Simmons.