Shoqata Sindikale e Punëtorëve Shëndetësorë të QKUK-së përmes një postimi në Facebook, është shprehur e zhgënjyer me injorimin nga SHSKUK/QKUK, të njëjtit kanë paralajmëruar se do të fillojnë me grevë në rast që kërkesat e tyre nuk shqyrtohen.
“Shoqata Sindikale e Punëtorëve Shëndetësor të QKUK-së ndjehet e zhgënjyer me injorimin në vazhdimsi nga SHSKUK/QKUK e cila përkundër proaktivitetit tonë për dialog social, e njejta refuzon, madje edhe përgjigjiet përmes postës elektronike”, kanë shkruar.
Më tej kanë adresuar edhe kërkesën e radhës duke thënë se nëse nuk merren parasysh rekomandimet e tyre për të ruajtur mirëqënien e infermierëve duke mos i mbingarkuar më tepër me punë, Shoqata Sindikale e Punëtorëve Shëndetësor të QKUK-së do ndërmarr veprimin sindikal grevë, duke filluar nga greva një orëshe deri tek bojkoti i përgjithshëm i punës.
“Shoqata Sindikale e Punëtorëve Shëndetësor të QKUK-së ju njofton që mbështetë përpjekjet tuaja për reforma dhe përmirësim të cilësisë së shërbimeve, mirëpo ndjehemi të shqetësuar rreth idesë së hapjes së njesive dhe reparteve të reja brenda QKUK-së”, shkruhet në emailin e dërguar në SHSKUK dhe QKUK.
Ndërsa, si mjet të fundit për të kundërshtuar padrejtësitë karrshi infermierëve, për të kërkuar cilësi të shërbimeve reale për qytetarët si dhe për të kërkuar kualitet në vend të kuantitetit, do të veprime sindikale deri në grevë dhe bojkot të përgjithshëm të punës.