Kori “Siparantum” do të mbajë të hënën e 29 gushtit koncertin e përbashkët me korin “Gospelchor am Münster” nga Zvicra.
Koncerti do të mbahet nën dirgjimin e Oliver Rudin dhe Memli Kelmendit në Kino “Jusuf Gërvalla”, në Pejë.
Dirigjenti dhe themeluesi i korit “Siparantum”, Memli Kelmendi, përmes një postimi në Facebook, ka bërë të ditur që “Gospelchor am Münster”, do të vijë në koncertin e së hënës.
Ai ka është shprehur i entuziasmuar për koncertin, ku ka thënë se kjo paraqitje është rrjedhojë e bashkëpunimit mes koreve.
“Jemi shumë të lumtur që në Kosovë do të sjellim korin e suksesshëm ‘Gospelchor am Münster’ nga Zvicra, me dirigjentin e njohur Oliver Rudin, fitues i shumë shpërblimeve evropiane përfshirë suksesin e tyre në World Choir Games. Ky koncert është si rrjedhojë e bashkëpunimit në mes të Korit ‘Siparantum’, Kosovë dhe ‘Gospelchor am Münster’ nga Baseli, Zvicër”, ka shkruar Kelmendi.
Ndryshe, ky koncert është mbështetur nga Komuna e Pejës dhe Kino “Jusuf Gërvalla”.