Situatë e qetë po raportohet të jetë në komunën e Zubin Potokut. Ekipi i RTV Dukagjinit që po qëndron në terren, thotë se vërehen më pak protestues në afërsi të objektit të komunës.
Aty akoma po qëndrojnë zyrtarët e Policisë së Kosovës dhe trupat e KFOR-it, të cilët po sigurohen të mos eskalojë situata.
Ndryshe, në zyrat e BE-së në Prishtinë në këto momente kanë mbërritur kryetari i Zubin Potokut, Izmi Zeqiri dhe kryetari i Zveçanit, Ilir Peci.
Të dy nuk kanë dhënë as një deklaratë para takimit që pritet të zhvillohet më ambasadorin amerikan, Jeff Hovenier, i cili ka mbërritur më herët.
Ndryshe, në tri komunat veriore qytetarët serbë të udhëhequr nga Lista Serbe, janë mbledhur për të protestuar në kundërshtim të kryetarëve të sapozgjedhur në veri.