Një 77-vjeçar është gjetur i vdekur në një zonë mali që ishte kapluar nga zjarri në fshatin Rezallë të Skenderajt.
Lajmin për Dukagjinin e ka konfirmuar zëdhënësi i Policisë në rajonin e Mitrovicës, Avni Zahiti.
“Rreth orës 18:00 është raportuar se në fshatin Rezallë të Skenderajt, është gjetur pa shenja jete viktima mashkull i moshës 77-vjeçar. Bazuar në informatat e para, bëhet e ditur se trupi i pajetë i viktimës është gjetur nga familjarët e tij në një zonë mali që ishte kapluar nga zjarri. Hetuesit policorë me autorizim të prokurorit kanë nisur hetimet për rrethanat dhe shkaqet e ngjarjes”, ka thënë Zahiti.
Ai ka bërë të ditur se me urdhër të prokurorit, trupi i pajetë i viktimës është dërguar për obduksion në Institutin e Mjekësisë Ligjore.