Të mërkurën mbrëma do të nisë faza e “play-off”-it në Superligën e basketbollit.
Xhebrailët do ta nisë rrugëtimin drejt mbrojtjes së titullit të kampionit të Kosovës, të cilin e fitoi në dy sezonet e fundit.
Ekipi nga Suhareka do të përballet me Vëllaznimin në çerekfinale të fazës eliminuese.
Yllit i nevojiten dy fitore ndaj gjakovarëve për ta prekur gjysmëfinalen, aty ku do ta presë Peja.
Dhe, nëse e eliminon edhe ekipin Verdhezi, ekipi therandas më pas do ta kërkojë trofeun në finalen e madhe.
Ndërkohë, Kuqezinjtë do ta kërkojnë mrekullinë në çerekfinale.
Për Vëllaznimin, kjo do të jetë hera e parë që do të luajë në “play-off”.
Sfida mes Yllit dhe Vëllaznimit do të fillojë në orën 20:00.
Kurse, të enjten mbrëma do të luhet një tjetër ndeshje e “play-offit”, Trepça – Bashkimi.