Spitali i Mitrovicës me UA të UNMIK-ut, pacientët pa udhëzim paguajnë 10 euro

Një mbishkrim në Emergjencën e Spitalit të Mitrovicës se qytetarët që nuk kanë udhëzime nga Qendrat e Mjekësive Familjare, duhet të paguajnë nga 10 euro, ka nxitur reagime. Por, drejtori mjekësor në këtë spital thotë se e njëjta është e bazuar në udhëzim administrativ, ani se i njëjti është që nga koha e UNMIK-ut

Një udhëzim administrativ të kohës së UNMIK-ut po e zbaton Spitali Rajonal i Mitrovicës.

Deri një ditë më parë, në Emergjencën e këtij Spitali ka qenë i vendosur një mbishkrim, sipas të cilit qytetarët që nuk kanë udhëzim nga mjeku i Qendrës së Mjekësisë Familjare, nuk mund të marrin shërbime pa paguar shumën prej 10 euro.

“Ajo pllakat ka qenë e vendosur që 10 vite dhe nuk u zbatu në mënyrë të veçantë,  por unë e kam hequr pasi nuk e kam parë të arsyeshme që e njëjta të jetë e vendosur nëpër muret e Spitalit,” ka thënë Gëzim Berisha- Drejtor mjekësor në Spitalin “Sami Haxhibeqiri” në Mitrovicë.

Megjithëkëtë, Berisha tregon se kjo parashihet me një udhëzim administrativ, që në fakt është i vitit 2007 por që thotë se vlen dhe punojnë bazuar në të.

“Ne punojmë më udhëzimin administrative 04/2007, i cili parasheh që pacientet që vinë në spital pa udhëzim nga mjekësia primare, të bëjnë një pagesë prej 10 euro, të ne kjo nuk është bërë shumë pasi që shumica e pacientëve kanë libreza që i liron nga këto pagesa,” shtoi Berisha.

Pacientët tregojnë se janë të njoftuar me ketë rregull dhe e respektojnë nëse duan të mos paguajnë shumën prej 10 eurosh.

“ Unë e marr udhëzimin të lagjja ime edhe vi kontrollona në repartin që kam nevojë, besoj që për një arsye ata e kanë qit ketë rregull,” tha Fehmi Kadriu, qytetar i Mitrovicës.

Në Emergjencën e Spitalit në Mitrovicë janë trajtuar 2428 pacientë gjatë muajit prill.

Shija e redaktorit

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Ditët e para të çlirimit, rrëfim nga ish-zyrtari për informim...

Për ditë me radhë në territorin e Maqedonisë, ushtarët e NATO-s stërviteshin për përballjen me forcat serbe në Kosovë. Më 10 qershor në Kumanovë, Serbia...

Të fundit nga rubrika