Zjarrfikësit janë duke punuar në lokalizimin e zjarrit që ka rënë të hënën në mëngjes në zonën e ish-fabrikës së duhanit në Tetovë.
Sipas drejtorit të Qendrës për Menaxhim me Kriza, Stojançe Angellov, në çdo moment pritet të arrijë një helikopter, i cili do të tentojë të pengojë përhapjen e zjarrit në pjesën ku ruhen lëndët shpërthyese.
“Për momentin po punohet në detektimin e ajrit, gjegjësisht nëse ka gazra toksikë dhe çfarë lloji. Situata për momentin nuk është alarmante. Sipas informacioneve që kemi, ka një nivel të shtuar të grimcave PM”, ka thënë Angellov.
“Për këto arsye kemi kërkuar që uji të hidhet përgjatë vijës së zjarrit, gjegjësisht të pengohet që zjarri të mos bartet në pjesën e pasme ku ka kontejnerë me lëndë shpërthyese”, ka shtuar drejtori i Qendrës për Menaxhim me Kriza.