Sulm në Oslo, dy të vdekur e 14 të plagosur

Nga të shtënat me armë zjarri në një klub nate në Oslo, dy persona kanë humbur jetën, ndërsa 14 të tjerë kanë mbetur të plagosur. Motivet e ngjarjes ende nuk dihen, por sipas autoriteteve norvegjeze, klubi ku të shtënat kanë ndodhur ka qenë klub i homoseksualëve

Dy persona u vranë pasi u qëlluan me armë zjarri në një bar të njohur homoseksualësh dhe rrugëve pranë Oslos në Norvegji

Në orët e hershme të mëngjesit të së shtunës, dy persona janë qëlluar për vdekje dhe 14 të tjerë janë plagosur, disa prej tyre në gjendje të rëndë, nga të shtënat në një klub nate dhe në rrugët pranë qendrës së kryeqytetit norvegjez Oslo, raporton BBC.

Kjo është konfirmuar edhe nga Distrikti i Policisë së Oslos.

“Një i dyshuar është në mbajtje”, tha Policia, duke shtuar se rrethanat e të shtënave janë të paqarta.

Një i dyshuar është arrestuar dhe janë sekuestruar dy armë.

Policia beson se i dyshuari është i vetmi person i përfshirë në këto të shtëna, ndërsa nuk është dhënë asnjë motiv për sulmin.

“Pashë një burrë që mbërriti me një çantë, ai mori një armë dhe filloi të qëllonte”, tha Olav Roenneberg gazetari i transmetuesit publik NRK.

Një tjetër burrë i tha gazetës se kishte parë shumë njerëz në tokë me plagë në kokë.

Ministrja e Drejtësisë e Norvegjisë, Emilie Enger Mehl, tha se incidenti ka tronditur vendin.

“Norvegjia është një komunitet besimi, ku të gjithë duhet të ndihen të sigurt jashtë në një të shtune në mbrëmje”, tha ajo.

Transmetuesi publik NRK dhe media të tjera lokale thanë se sulmi ndodhi në një bar dhe klub nate të njohur homoseksualësh.

Oslo kishte paraparë që të shtunën të mbajë, paradën e Krenarisë, “Oslo Pride”.

Ndërsa, Zëdhënësi i policisë, Tore Barstad, tha për Associated Press se, motivi nuk dihet menjëherë, dhe se nuk është e qartë nëse të shtënat kishin ndonjë lidhje me paradën e Krenarisë.

“Policia është në kontakt me organizatorët e paradës së Krenarisë këtë të shtunë. Do të ketë një vlerësim të vazhdueshëm se çfarë masash duhet të marrë policia për të mbrojtur atë ngjarje dhe nëse ky incident ka fare lidhje me paradën,” tha Barstad.

Ndryshe, Norvegjia përjetoi të shtënat masive në vitin 2011, kur një një person vrau 69 njerëz në ishullin Utoya, pasi vendosi një bombë në Oslo që la tetë të vdekur.

Shija e redaktorit

Gazetari i RTV Dukagjinit, Dardan Idrizi shpallet fitues i çmimit...

Në ditën e shënimit të 20 vjetorit të themelimit të Asociacionit të Gazetarëve të Kosovës (AGK), kjo organizatë ka mbajtur një event, në të...

Fotografia familjare e Samitit në Tiranë

Siç e do zakoni, pjesëmarrësit e Samitit në Tiranë për Ballkanin Perëndimor dhe Bashkimit Evropian, kanë realizuar "fotografinë familjare" në ambientet e Hotel Marriott,...

Çfarë do t’i sjellin Kosovës ujditë në samitin e BE-së...

Të martën e 6 dhjetorit, samiti në Tiranë do të jetë i pari midis Bashkimit Evropian dhe Ballkanit Perëndimor që zhvillohet në territorin e...

Më të lexuarat

Rama polemikë me politikanin zviceran: Akuza për trafikim organesh është...

Kryeministri i Shqipërisë, Edi Rama, e ka pasur një polemikë me politikanin zviceran Damien Cottier, i cili i tha kryeministrit të Shqipërisë, se fjalimi...

Publikohen 9 pikat e planit franko-gjerman

Propozimi franko-gjerman për një kornizë të re të dialogut ndërmjet Kosovës dhe Serbisë po konsiderohet si një plan konkret për arritjen e një marrëveshjeje...

Bija e gruas së keqtrajtuar: Nuk kam fjalë ta shpreh...

Bija e gruas së moshuar e cila është keqtrajtuar fizikisht në një qendër për të moshuar në Pejë, nën emocione ka thënë se është...

Të fundit nga rubrika