Festivali “Summer Cult”, të enjten e 15 shtatorit e ka bërë hapjen zyrtare me muzikë, shfaqje e ekspozitë në Bibliotekën Kombëtare “Pjetër Bogdani”, në Prishtinë.
Ngjarja ka filluar me shfaqjen teatrore të dy aktoreve, Arbnore Nuha dhe Blerina Veseli.
Ndërkaq programi ka vazhduar me performancën muzikore të Diellza Dedushit dhe Bulza Havollit.
Pjesëmarrësit po ashtu kanë pasur mundësi të shohin ekspozitën “Beyond Borders”, një ekspozitë kolektive e artistëve të rinj.
Në hapje të festivalit kanë marrë fjalën këshilltari i ministrit Çeku, Liburn Jupolli dhe drejtoresha e festivalit, Elmaze Nura, ndërkaq pjesëmarrës ishin regjisorë, aktorë, muzikantë, studentë e qytetarë.
Përgjatë dy ditëve në vazhdim artdashësit do të mund të shijojnë programin e “Summer Cult” i cili përmban ekspozita, punëtori, shfaqje filmash dhe afterparty.
Lokacionet ku po zhvillohen këto ngjarje janë Biblioteka Kombëtare “Pjetër Bogdani”, Fakulteti i Arteve dhe Kino Armata.