Ministri i Punëve të Brendshme, Xhelal Sveçla, ka pritur në takim një delegacion amerikan të premten e 26 gushtit.
Pjesë e këtij delegacioni ishin David Johnson, Ambasador dhe Negociator Special për Çështjet e Zhvendosjes, Jeffrey Hovenier Ambasador i Shteteve të Bashkuara të Amerikës në Kosovë, Steven Naplan, Negociator Special për Çështjet e Zhvendosjes dhe Kyle Hatcher, Koordinator per Refugjatet në Ambasadën Amerikane në Kosovë.
Në këtë takim është diskutuar mbi ecurinë e procesit të pranimit dhe strehimit të shtetasve afganë në kuadër të 1 vjetorit të fillimit të këtij procesi.
Sipas Ministrisë së Punëve të Brendshme, Kosova e ka zhvilluar me sukses këtë operacion falë angazhimit të përbashkët me Shtetet e Bashkuara të Amerikës dhe NATO-n, si aleatët tanë kryesorë jo vetëm në këtë proces por edhe në ndërtimin dhe zhvillimin e shtetit tonë.
Ndërkaq, Ministri Sveçla falënderuar delegacionin dhe ka ritheksuar gatishmërinë për bashkëpunim me Shtetet e Bashkuara të Amerikës në realizimin e qëllimeve të përbashkëta.