“Protection and Preservation of Natural Environment” në Shqipëri ka bërë thirrje që rastet e krimit mjedisor të raportohen në një platformë online me emrin “Syri Gjelbër”.
Misioni i kësaj platforme është të mbledhë rastet e krimit mjedisor dhe t’i raportojë ato tek institucionet përkatëse si: inspektorati shtetëror, bashkitë apo administratat rajonale të Zonave të Mbrojtura.
“Këto krime janë të pranishme kudo, në çdo veprim që dëmton mjedisin natyror dhe gjithçka që gjendet në të, si prerja e pemëve, gjuetia e paligjshme, zjarrvënia e qëllimshme, helmimi, ndotja e habitateve”, thuhet në njoftimin e shoqatës
Portali online është lehtësisht i përdorshëm për këdo që ka vullnetin për të raportuar një krim mjedisor. Ju mund ta raportoni edhe pa dhënë të dhënat personale.
Kjo shoqatë mjedisore bën thirrje për ruajtjen e pasurive natyrore të Shqipërisë.
“Na ndihmoni të ruajmë pasuritë natyrore të vendit tonë”, është shkruar në një postim në faqen e tyre zyrtare në facebook.
Përpunimi i kësaj platforme u realizua në kuadër të projektit “Zonat e Mbrojtura për Natyrën dhe Njerëzit”.