Szunyog: E ardhmja e Kosovës është në BE

Me rastin e Ditës së Evropës, Szunyog ka thënë se pa Ballkanin Perëndimor, BE-ja nuk do të jetë e plotë

Shefi i zyrës së Bashkimit Evropian(BE) në Kosovë, Tomas Szunyog, ka thënë se ardhmja e Kosovës është në BE dhe se alternativë tjetër, përveç progresit në rrugën e saj evropiane, nuk ka.

Me rastin e Ditës së Evropës, Szunyog ka vënë në dukje se pa Ballkanin Perëndimor, BE-ja nuk do të jetë e plotë.

Ai ka shtuar se agresioni rus kundër Ukrainës i ka bërë edhe më të rëndësishme përpjekjet e përbashkëta të rajonit drejt integrimeve evropiane.

“Jam krenar për progresin që ka arritur Kosova me mbështetjen e Bashkimit Evropian dhe shteteve tona anëtare. Përkundër çfarëdolloj sfide, solidariteti i BE-së nuk do të zvogëlohet kurrë dhe BE-ja do të vazhdojë të jetë partneri më i afërt për Kosovën, siç është tani”, ka thënë Szunyog, thuhet në një njoftim për media.

Duke theksuar mbështetjen e BE-së, ai bëri thirrje për përkushtim të vazhdueshëm prej Kosovës për arritjen e progresit në rrugën e saj evropiane.

“Sundimi i ligjit është themeli i një shoqërie të shëndetshme demokratike dhe së bashku me mbrojtjen dhe promovimin e të drejtave të njeriut, duhet të mbetet prioritet për institucionet e Kosovës”, ka thënë Szunyog.

Sipas tij, mediat duhet të jenë të lira nga çdo presion dhe të gëzojnë siguri dhe liri të shprehjes.

Ai ka theksuar se viti 2022 është “Viti Evropian i Rinisë” dhe shumica e aktiviteteve të organizuara nga BE-ja në Kosovë për kremtimin e Ditës së Evropës janë të menduara për të rinjtë dhe fokusohen në energjinë e gjelbër, mjedisin dhe digjitalizimin.

Ndryshe, për këtë ditë, në ora 11:00, Tomas Szunyog dhe kryetari i Prishtinës, Përparim Rama do t’iu bashkohen përfaqësuesve të shteteve anëtare të BE-së përpara hotelit “Grand” në një shëtitje me biçikleta dhe trotinete elektrike dhe aktivitete të tjera që promovojnë lëvizshmërinë alternative.

May be an image of 3 people and people standing
Përparim Rama, Tomas Szunyog

Shija e redaktorit

Lansohet platforma e-Komuna, Kurti: Drejt një qeverisjeje digjitale me fokus...

Ministria e Administrimit të Pushtetit Lokal ka organizuar të premten ceremoninë e lansimit të shërbimeve të e-Komuna, e cila është pjesë e platformës shtetërore...

ASK: Në Kosovë s’ka rënie të madhe të numrit të...

Procesi i regjistrimit të popullsisë në Kosovë përfundon këtë të premte, pas fillimit të tij më 5 prill, rezultatet preliminare të të cilit pritet...

Osmani bisedon me homologun gjerman, diskuton rëndësinë e anëtarësimit të...

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier. Në një postim në rrjetin social "X",...

Të fundit nga rubrika