Shefi i Grupit Parlamentar të Aleancës për Ardhmërinë e Kosovës (AAK), Besnik Tahiri ka thënë se Raporti i Komisionit Evropian për Kosovën që u publikua para disa dite është më negativi për këtë vend në historinë e post-pavarësisë.
“Me këtë Qeveri, shlirë, mund ta harrojmë antarësimin në BE! Ndoshta energjitë janë shterrur, duke ikur nga disa tema në të cilat kjo Qeveri nuk ka guxim as lidership!
Si konkluzion, ky Raport në historinë e post-pavarësisë është me negativi për Kosovën”, ka thënë Tahiri.
Në një postim në Facebook, Tahiri e ka quajtur Qeverinë Kurti, duke e quajtur qeveri të regresit, politizimit, dështimit dhe paaftësisë derisa ka thënë se sa të jetë kjo qeveri në pushtet nuk mund të ketë antarësim në Bashkimin Evropian (BE).
“Qeveria e regresit, politizimit, dështimit dhe paaftësisë. E thotë Bashkimi Evropian! Institucionet e Republikës së Kosovës pranuan vlerësimin e Bashkimit Evropian. Kjo qeveri e fjalëve të mëdha, është vlerësuar për dështime të mëdha. Nga një analizë fillestare në kuadër të Aleancës, e përmbajtjes së këtij vlerësimi, por edhe e aspektit kualitativ dhe të formulimit, tregon se ky raport përdorë termin ‘Progres’ rreth 205, me këto kualifikime: 32 herë theksohet se ka mungesë progresi; 49 herë theksohet se ka progres të mangët; 59 herë theksohet se ka njëfarë progresi; 42 herë theksohet se është bërë progres; 15 herë në aspekte tjera; Dhe, vetëm 8 herë theksohet se ka progres të mirë”, ka vijuar ai.