Ish-kryenegocitorja e Kosovës në bisedimet me Serbinë, Edita Tahiri ka komentuar qëndrimet e dy partive opozitare, PDK-së dhe LDK-së, sa i përket procesit të dialogut dhe marrëveshjes me Serbinë.
Tahiri ka thënë se fakti që këto dy parti i kanë thënë jo një marrëveshjeje pa njohje reciproke “nënkupton se një marrëveshje e tillë s’ka legjitimitet të plotë”.
Sipas ish-kryenegociatores, këtë e forcon edhe më shumë fakti që në sondazhin e UNDP-së shihet që ka një rënie të përkrahjes për Albin Kurtin si kryeministër.
“Fakti se partitë e mëdha opozitare PDK dhe LDK i thanë jo marrëveshjes pa njohje reciproke kjo don të thotë se kjo marrëveshje nuk ka legjitimitet të plotë, aq më shumë që ka rënë përkrahja për kryeministrin Kurti në bazë të sondazhit të UNDP”, ka shkruar Tahiri.