Përmes një komunikate për media, Policia e Kosovës ka bërë të ditur se gjatë qëndrimit në Paris të Francës, drejtori i përgjithshëm i Policisë së Kosovës, Samedin Mehmeti së bashku me homologun, Mourad Hassine, i cili është drejtor i përgjithshëm i Sigurisë Publike të Tunizisë, kanë zhvilluar një takim.
Temat e diskutuara mes dy homologëve policë, sipas njoftimit të policisë kanë qenë tema që ndërlidhen me fushën e sigurisë, ky ishte një takim miqësor.
Temë që u bisedua mes tyre ishte, bashkëpunimi policor në forma të ndryshme, poashtu edhe mundësia për shkëmbimin e eksperiencave dhe përvojave policore, të cilat mund t’i shkëmbejnë me njëri-tjetrin.
“Duke e parë nevojën e bashkëpunimit dhe shkëmbimit të informacioneve që shërbejnë në interes të sigurisë globale, të dy krerët e Policisë shprehën gatishmërinë për bashkëpunim të ndërsjellë në sfera të ndryshme,” thuhet në njoftimin e Policisë së Kosovës.
