Ministri i Punëve të Jashtme në Maqedoninë e Veriut, Bujar Osmani, të martën nga Tokio do të udhëtojë në Uashington. Arsyeja e këtij udhëtimi është udhëheqja e delegacionit qeveritar në Dialogun Strategjik mes Republikës së Maqedonisë së Veriut dhe Shteteve të Bashkuara të Amerikës.
Maqedonia e Veriut është vendi i parë nga Ballkani Perëndimor që fillon një proces të rëndësishëm me Shtetet e Bashkuara të Amerikës.
Gjatë kësaj vizite në Uashington, Bujar Osmani do të realizojë takime të shumta bilaterale me përfaqësues të lartë shtetëror të SHBA-së, si dhe personalitete të njohura të sektorit civil dhe think-tank organizatave.
Ministri i Punëve të Jashtme të Maqedonisë së Veriut, Bujar Osmani, në një postim në Facebook ka thënë se, fokusi i vizitës në Uashington do të jetë thellimi i marrëdhënieve bilaterale dhe krijimin e shtigjeve të reja për bashkëpunim në të ardhmen.
“Maqedonia e Veriut do të ketë pozitë prioritare në administratën amerikane”, ka thënë Osmani.