Jose Mourinho, trajneri i Romës ka thënë se çelësi i suksesit të tij është mosqenia kurrë i kënaqur dhe kërkesa që gjithmonë të bëjë më shumë.
Mourinho ka përfunduar sezonin e tij të parë në Romë, i cili i dha klubit trofeun e parë të madh që nga viti 2008 dhe trofeun e tij të pestë evropian me triumfin në Ligën e Konferencës.
“Përpiqem të mos ndiej shumë presion në punën time”, ka thënë Jose Mourinho.
“Mendoj se kam një marrëdhënie të shëndetshme me stresin. Të mos ndiesh asgjë, nuk është mirë, ashtu siç është të ndiesh shumë për të. Pra, është e rëndësishme të kesh një ekuilibër të mirë, si dhe përvojën për ta përballuar atë”.
Mourinho ka thënë se,” çelësi i suksesit është të mos jesh kurrë i lumtur me atë që ke, kur fiton disa medalje, dëshiron më shumë”.
“Kur shënon një gol, dëshiron të shënosh më shumë. Gjithçka rrotullohet rreth “edhe më shumë”. Asnjëherë nuk mjafton. Kjo ndjenjë nuk ka të bëjë fare me moshën, ka të bëjë me personalitetin”, ka shtuar ai.