Gjatë ditës së sotme rreth orës 21:30, nga gjuajtjet me armë zjarri në rrugën “Fehmi Agani” në Prishtinë një person është plagosur.
Për Dukagjinin e ka konfirmuar zëdhënësi i Policisë në Prishtinë, Agron Borovci.
“Sot rreth orës 21:30, është raportuar për gjuajtje me armë zjarri të ndodhur në rrugën “Fehmi Agani” në Prishtinë. Policia menjëherë ka dalë në vendin e ngjarjes dhe nga informacionet e para është konfirmuar se një person është plagosur”, ka thënë Borovci.
Borovci ka thënë se i njejti është dërguar në QKUK për trajtimin e nevojshëm mjekësor.
“Ndërlidhur me rastin është gjetur edhe një armë zjarri ndërkohë që policia po vijon punën me veprime të ekzaminimit të vendngjarjes si dhe me veprime të tjera operativo-hetimore me qëllim identifikimin dhe lokalizimin e të dyshuarve të implikuar në rast”, ka thënë tutje Borovci.
Portali Dukagjini ka raportuar lidhur me rastin edhe më herët.