Temperaturat e larta rrisin numrin e pacientëve, IKShPK me apel për qytetarët

Temperaturat e larta të ditëve të fundit kanë rritur numrin e pacientëve që po kërkojnë ndihmë nga mjekët. Ky numër, në QKMF-në e Prishtinës brenda 24 orëve ka shkuar në mbi 200. Instituti Kombëtar i Shëndetësisë Publike të Kosovës ka bërë apel për evitim të daljeve në disa periudha kohore

Rendi për të marrë shërbim është goxha i gjatë, e në shumicën e rasteve, shkaktari është i njëjtë.

Pacientët që po prisnin në Qendrën Kryesore të Mjekësisë Familjare në Prishtinë, kishin përfunduar aty shkaku i temperaturave të larta.

Përveç në moshë, shumica kishin edhe probleme shëndetësore kronike.

“Po dalim nganjëherë,  po po duhet më u rujt pasi që mosha jonë nuk e duron,  po duhet më dal. Unë kam problem më tensionin, po duhet mu rujt me përdorë hapa”, ka deklaruar Ali Bajoku, qytetar.

Gjendja e ditëve të fundit ka dyfishuar numrin e pacientëve në këtë institucion.

“Temperaturat e larta kanë shkaktuar rritje të numrit të pacientëve, dje kanë qenë 150 edhe pse ka qenë ditë kujdestaria, derisa sot deri në mesdit është numri I njëjtë, por që deri në përfundim të ditës, ky numër pritet të shkoj mbi 200 pacient”, ka deklaruar Rushit Ismaili- mjek në QKMF-në në Prishtinë.

Grupmoshat me të atakuara nga temperatura e larta janë  fëmijet e vegjël, gratë shtatzëna, personat më semundje kronike e poashtu ata në moshë të shtyer.

Instituti Kombëtar i Shëndetësisë Publike të Kosovës ka bërë thirrje që pesonat e moshuar, të mos ekspozohen në rrezet e diellit në intervalin kohor prej orës 10.00-17.00, të konsumohet deri në dy litra lëngje gjatë ditës si dhe mbrojtja nga ekspozimi i diellit përmes kapeleve ose masave tjera.

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika