Ministria e Infrastrukturës (MI) ka njoftuar për gjendjen e rrugëve, pas reshjeve të borës dhe temperaturave të ulëta.
Në njoftim MI ka bërë të ditur se të gjitha rrugët nacionale, rajonale dhe autoudhët, janë të mirëmbajtura dhe të kalueshme për qarkullim rrugor.
“Në disa segmente, si rezultat i reshjeve të fundit të borës dhe sidomos i erërave përkatësisht në rrugën Kerpimeh-Bajgorë, ka ardhur deri te pengesat e përkohshme në rrugë, por është intervenuar dhe rruga është hapur për qarkullimin e automjeteve”, thuhet në njoftim.
Tutje thuhet se ekipet përgjegjëse janë në kujdestari 24-orëshe dhe janë duke intervenuar me hedhje të kripës dhe aktivitetet e tjera të nevojshme për mirëmbajtjen e rrugëve, aty ku ka më shumë reshje që të bëhen të kalueshme dhe të sigurta.
MI apelon për kujdes të shtuar në vozitje dhe përshtatje me kushtet atmosferike.