Tërmokolli kritikon Qeverinë: T’i shesësh fuqi Amerikës është qesharake në sytë e botës, e dëm i madh për ne

Ish-deputetja e LDK-së, Melihate Tërmkolli, ka kritikuar Qeverinë e Kosovës se po tenton t'i shesë fuqi Amerikës dhe kjo sipas saj është qesharake në sytë e botës dhe një dëm i madh për Kosovën

Ish-deputetja e Kuvendit të Kosovës, Melihate Tërmkolli.

Ish-deputetja e Kuvendit të Kosovës, Melihate Tërmkolli, ka theksuar se mënyra e hyrjes së Kosovës në bisedime me Serbinë në vitin 2011 ishte një gabim i madh.

“Duhet ta pranojmë se kur ka hyrë në bisedime Kosova me Serbinë në vitin 2011, kam qenë ndër kundërshtarët e parë. Ka qenë gabimi më i madh, dhe gabimi i parë bazik që ka ndodh pra për mënyrën qysh ka hyrë Kosova në bisedime me Serbinë, ishte mënyrë katastrofale”, ka thënë Tërmkolli në emisionin Rreth e Rrotull.

Ajo gjithashtu ka kritikuar mënyrën se si janë marrë disa vendime në dialogun Kosovë-Serbi, duke i cilësuar ato si “vendime të gabueshme”.

Ajo ka thënë se Qeveria është munduar t’i shesë fuqi Amerikës, dhe kjo sipas saj, është qesharake në sytë e botës.

“Çështja e vendimeve tash, janë marrë vendime të gabueshme, por një vendim i gabueshëm nuk mundësh me zgjidh duke gabuar dyfish më shumë, janë mënyrë që njihen në diplomaci. Me i shit na fuqi Amerikës është tejet qesharake në sytë e botës, por për neve është dëm i madh”, ka shtuar ajo.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika