Kompania Tesla do të integrojë chatbotin e sapolansuar me Inteligjencë Artificiale(IA) “Grok” në automjetet e saj elektrike.
Këtë e ka bërë të ditur vetë drejtori i kompanisë, Elon Musk.
“Grok” është një chatbot me AI, i krijuar nga startupi i Muskut x AI dhe është lëshuar në fillim të nëntorit për përdorues të caktuar.
Startupi x AI ishte krijuar në fillim të këtij viti dhe Musk tha se do të punonte ngushtë me Tesla-n.
Misioni i startupit me teknologjitë e saj është “të kuptojë natyrën e universit”, por në praktikë projekti i saj i parë është një chatbot i ngjashëm me ChatGPT.
Komandat zanore brenda automjeteve të Teslas do të jetë fokusi dhe se asistenti i IA-së do të ishte një përparim i natyrshëm brenda automjetit elektrik.