Tirana mirëpret sot ministrat e Jashtëm të Bashkimit Evropian dhe të Ballkanit Perëndimor, për takimin që do të mbahet në kuadër të Samitit të Berlinit.
Në takimin e sotëm, do të jenë të pranishëm, gjithashtu, edhe komisioneri për Zgjerim i KE-së, përfaqësuesja e EAS, ministrat e Jashtëm të Kosovës, të Malit të Zi, të Maqedonisë së Veriut, të Serbisë dhe të Bosnjë Hercegovinës, si dhe të vendeve anëtare të Procesit të Berlinit si Gjermania, Austria, Greqia, Hungaria e të tjerë.
🟢Ready to start!A warm welcome from 🇦🇱FM @IgliHasani alongside his colleagues 🇽🇰FM @gervallaschwarz & 🇲🇰FM @Bujar_O &w/other counterparts from #WB &Berlin
Process participating states that will join them tomorrow for the Berlin Process Foreign Ministers’Meeting. #ForMinBPTirana pic.twitter.com/qORhdUXuxe— Albanian MEFA 🇦🇱 (@AlbanianDiplo) October 5, 2023
Ndërsa, sikurse u njoftua një ditë më parë nga MEPJ-ja, temat kyçe të cilat do të marrin vëmendje në këtë Ministerial do të jenë integrimi evropian i Ballkanit Perëndimor në Bashkimin Evropian, forcimi i dimensionit rajonal, tregu i përbashkët rajonal e përforcimi i marrëdhënieve në mes të shteteve.
📍On October 6 will be held the Foreign Ministers’ mtg ahead of the #BerlinProcess Summit,hosted in #Tirana for the very 1st time
On the Agenda:
🌍Geopolitical situation
📑Challenges&Opportunities
🤝Strengthening eco. & regional coop
🇪🇺Advancing #EU integration#ForMinBPTirana pic.twitter.com/m4C7Fbne4l— Albanian MEFA 🇦🇱 (@AlbanianDiplo) October 5, 2023
Pas përfundimit të takimit, ministri Hasani, ministrja e Jashtme gjermane dhe komisioneri për zgjerim i KE-së, do të mbajnë një konferencë të përbashkët për shtyp, ku mësohet se situata në mes të Kosovës dhe Serbisë do të jetë në qendër të fjalimit të tyre.
Ndryshe, Samiti i Procesit të Berlinit pritet të mbahet më 16 tetor në Tiranë.
Procesi i Berlinit është një iniciativë që synon rritjen e bashkëpunimit rajonal në Ballkanin Perëndimor dhe dhënien e ndihmës për integrimin e vendeve të këtij rajoni në Bashkimin Evropian.
Procesi i Berlinit u prezantua më 28 gusht 2014 nga kancelarja gjermane Angela Merkel.