Policia e Kosovës ka njoftuar se tri raste të dhunës në familje janë raportuar gjatë 24 orëve të fundit në Kosovë.
Në Obiliq një burrë është ankuar në Policinë e Kosovës se ka pasur dhunë psikike nga bashkëshortja e tij. Prokurori i rastit i ka intervistuar palët dhe hetimet po vazhdojnë.
Në Gjakovë prindi ka raportuar se djali ia ka vënë zjarrin çatisë së shtëpisë. Njësitet relevante policore dhe zjarrfikësit kanë dalë në vendin e ngjarjes dhe e kanë shuar zjarrin. Rasti po hetohet.
Ndërsa, Policia njoftoi se në Fushë-Kosovë një grua është sulmuar fizikisht nga bashkëshorti i saj. Viktima ka pranuar trajtim mjekësor, i dyshuari është arrestuar dhe dërguar në mbajtje.
Rasti po hetohet si “dhunë në familje”.
“Viktima femër kosovare dyshohet se është sulmuar fizikisht nga bashkëshorti i saj, i dyshuari mashkull kosovar. Viktima ka pranuar trajtim mjekësor, ndërsa i dyshuari është arrestuar dhe pas inicimit të rastit me vendim të prokurorit është dërguar në mbajtje”, thuhet në raportin policor.