Presidenti amerikan, Donald Trump, ka njoftuar mëngjesin e së martës se një armëpushim mes Izraelit dhe Iranit ka hyrë në fuqi.
“Ju lutem mos e shkelni”, ka shkruar ai në platformën e tij “Truth Social”, duke i bërë thirrje palëve që ta respektojnë marrëveshjen.
Trump tha se armëpushimi do të vlejë në disa afate kohore dhe do të qëndrojë në fuqi deri në përfundimin e operacioneve aktuale ushtarake.
Megjithatë, Izraeli ende nuk e ka pranuar publikisht këtë propozim për armëpushim. Nga ana tjetër, televizioni shtetëror iranian raportoi se armëpushimi “i është imponuar” Izraelit.
Sipas të njëjtit burim, Irani ka lëshuar “serinë e fundit të raketave” drejt Izraelit pak para se armëpushimi të hynte në fuqi.
Si pasojë e këtij sulmi, autoritetet izraelite kanë njoftuar se të paktën katër persona kanë humbur jetën.