Manchester Unitedi ka marrë një goditje të rëndë, pasi ka mbetur pa mesfushorin Christian Eriksen për një periudhë më të gjatë.
Eriksen shkaku i lëndimit do të qëndrojë jashtë fushës të paktën për dy muaj, ka raportuar BBC Sport.
Eriksen u dëmtua vikendin e shkuar në fitoren e Unitedit ndaj Readingut në Kupën FA. Pas ekzaminimeve të bëra, është konstatuar se ai ka pësuar lëndim të rëndë të nyjës së këmbës.
Shkaku i këtij lëndimi, thuhet se Eriksen nuk do të jetë i gatshëm për lojë të paktën deri në fund të muajit prill.
Danezi para fillimit të këtij sezoni iu bashkua Unitedit si lojtar i lirë, ndërsa deri më tani ka shënuar dy gola dhe ka bërë nëntë asistime në të gjitha garat.
Mungesa e 30-vjeçarit do të jetë një zhgënjim i madh për trajnerin Erik ten Hag dhe tifozët, duke pasur parasysh konsistencën e paraqitjeve të tij gjatë gjithë sezonit të deritanishëm, duke bërë 31 paraqitje që nga ardhja e tij në “Old Trafford”.