Ushtria izraelite thotë se janë vrarë mbi 400 militantë palestinezë

Janë vrarë më shumë se 400 militantë palestinezë në jug të Izraelit dhe në Rripin e Gazës, dhe dhjetëra të tjerë janë kapur.

Këtë e ka thënë zëdhënësi i Forcave Mbrojtëse të Izraelit, Daniel Hagari, për Times of Israel.

“Që nga kjo orë, ka forca që luftojnë në [Kibbutz] Kfar Aza, ka kërkime në një numër të madh qytetesh. Ka forca IDF në të gjitha qytetet, nuk ka qytet që nuk ka një forcë IDF në të”, citohet të ketë thënë ai, raporton BBC, përcjellë Dukagjini.

Një raport i mëparshëm nga agjencia e lajmeve Reuters tha se qindra persona të armatosur palestinezë ishin vrarë që kur Hamasi filloi sulmin e tij të shtunën.

Lexo dhe:

• Çfarë dihet deri më tani për sulmet në Izrael?
• ShBA-të dënojnë sulmet e Hamasit në Izrael: Nuk ka asnjë justifikim për terrorizmin
• Kurti: Kosova dënon pa mëdyshje sulmet terroriste kundër Izraelit
• Osmani: Solidarizohemi me Izraelin në këto orë të errëta