Ministri shqiptar i Mbrojtjes, Niko Peleshi, të hënën e 13 qershorit ka njoftuar se Ushtria Shqiptare, e cila përfaqësohet nga një togë e batalionit të Parë të Këmbësorisë, ka marrë pjesë në stërvitjen shumëkombëshe “EFES-22” të NATO-s në Izmir të Turqisë.
Peleshi, ka sjellë pamje nga manovrat e Ushtrisë Shqiptare.
“Shqipëria, e përfaqësuar nga 1 togë e batalionit të Parë të Këmbësorisë, përfundon në Izmir stërvitjen shumëkombëshe “EFES-22″ me pjesëmarrjen e 37 vendeve anëtare të NATO-s dhe partnere, ku u demonstrua ndërveprueshmëria dhe gatishmëria mes aleatëve”, ka thënë Peleshi.
Në stërvitjen shumëkombëshe “EFES-22” e NATO-s në Izmir të Turqisë, përveç Shqipërisë janë duke marrë pjesë edhe 37 vende anëtare të NATO-s dhe partnere.
