Dymbëdhjetë minatorë u vranë dhe tetë u shpëtuan pas një shpërthimi në një minierë qymyri në Pakistanin jugperëndimor, thanë zyrtarët pakistanez.
“Operacioni i shpëtimit sapo ka përfunduar,” tha kryeinspektori i minierave të provincës Balochistan, Abdul Ghani Baloch, në mëngjesin e sotëm. Ai tha se 20 minatorë kishin qenë brenda në minierë kur gjatë natës ndodhi një shpërthim gazi metani.
Ai shtoi se ekipet e shpëtimit gjetën 12 trupa, ndërsa të mbijetuarit ishin dërguar në spital.
Depozitat e qymyrit gjenden në zonat perëndimore të Pakistanit që ndodhen pranë kufirit afgan dhe aksidentet e minierave janë të zakonshme, kryesisht për shkak të grumbullimit të gazit.
Punëtorët e minierës janë ankuar se mungesa e pajisjeve të sigurisë dhe kushtet e këqija të punës janë shkaqet kryesore të aksidenteve të shpeshta, kanë thënë në të kaluarën zyrtarë të sindikatave./ raportoi Reuters.