Dramaturgu, gazetari dhe profesori, Haqif Mulliqi ka ndërruar jetë të martën.
Lajmin e ka dhënë e bija e tij me anë të një postimi në Facebook.
“Babi na la. Dashnisë tonë ma të madhe iu ndalën dhimbjet, për me na fillu neve dhimbja e përjetshme. Për detajet e ceremonisë ju njoftojmë më vonë”, ka shkruar ajo.
Mulliqi ka lindur në Pejë.
I njëjti ka përfunduar studimet master në psikologji dhe në filologji.
Veprat e tij zunë vend në teatrot në Kosovë, Shqipëri e Maqedoni.
“Alo 1991”, “Trenat”, “Komedia”, “Ruleti ballkanik”, “Një varr për majorin e mbretit” janë disa nga veprat e tij. Ndërsa “The Kosowars”, “Komemorativisht”, “Komedia apo marrëzia njerëzore” dhe “Parfumeria” janë dramat e tij të shfaqura në teatrin që themeloi vet në vitin 2002, Teatrin Alternativ “Kosova”.
Ishte mësimdhënës në Fakultetin e Arteve në Prishtinë, në degën e dramaturgjisë.
Ndërkaq karrierën në gazetari e zhvilloi në “Bota e Re” për ta vazhduar më vonë në gazetat kroate dhe gazetën në Zagreb, “Potlet”.