Në autostradën “Arbën Xhaferi” ka ndodhur një vetaksident me fatalitet gjatë pasdites të së premtes të 4 nëntorit.
Si pasojë e këtij aksidenti një person ka humbur jetën.
Rastin për portalin Dukagjini e ka konfirmuar zëdhënësi i Policisë së Kosovës, Bajram Krasniqi.
“Në ora 16:15, policia është njoftuar për një aksident trafiku të ndodhur në autostradën ‘Arbër Xhaferi’ (kilometri i 24, drejtimi për Prishtinë)”, ka thënë Krasniqi.
Ai ka bërë të ditur se në këtë aksident është përfshirë vetëm një veturë, ndërkaq në vendngjarje kanë dalë njësitet policore dhe emergjente mjekësore.
“Në aksident është përfshirë vetëm një veturë. Në vendngjarje kanë dalë njësitet policore dhe ekipet emergjente mjekësore. Sipas mjekëve, një person është pa shenja jete. Policia është marrë me rastin duke kryer procedurat lidhur me këtë aksident”, ka shtuar ai.