Një këmbësore është goditur nga një veturë në rrugën “Luan Haradinaj” në Prishtinë. Këmbësorja ka pësuar lëndime trupore dhe është dërguar për tretman mjekësor.
Lajmin për Portalin Dukagjini, e ka konfirmuar zëdhënësja e policisë për rajonin e Prishtinës, Flora Ahmeti, e cila tha se ka pranuar informatën për këtë aksident dhe me rastin është duke u marrë njësiti i trafikut rrugor.
“Sot rreth orës 08:00, kemi pranuar informatën se në rrugën ‘Luan Haradinaj’ në Prishtinë, ka ndodhur një aksident trafiku me lëndime. Në këtë aksident kanë qenë të përfshirë, një këmbësore dhe një veturë në lëvizje. Si pasojë e aksidentit, lëndime trupore ka pësuar këmbësorja, e cila është dërguar për tretman mjekësor. Me rastin po merret njësiti i trafikut rrugor”, thuhet tutje në konfirmimin e Ahmetit.