Ardian Kastrati, deputet i Partisë Demokratike të Kosovës (PDK), ka postuar një video në rrjetin social Facebook, njërën ndër rrugët më të njohura në kryeqytet.
Në këtë video, ku shihen qentë endacakë dhe mbeturinat e shpërndara, Kastrati ka “akuzuar” qeverisjen e Kurtit dhe të kryetarit e Prishtinës, Përparim Rama.
Kastrati ka përmendur sanksionet e BE-së dhe të SHBA-së ndaj Kosovës dhe “fitoret” në Gostivarë e Kumanovë, duke aluduar në mbështetjen e Kurtit për bllokun opozitar shqiptar në Maqedoni të Veriut.
“Ooo la-la çfarë lezeti qeverisjet Albin Kurti – Përparim Rama,” shkruan Kastrati.
Teksa nuk ka lënë pa e komentuar edhe erën e kanalizimit tek “Rruga B”.
“Shijojeni jetën super-fantastike me 300 milion euro sanksione dhe izolim nga SHBA e BE…..ama me “fitore” nëpër Gostivar, Kumanovë, etj, etj. Mos ta harrojmë erën “super – bombastike”” të kanalizimit që sot ka pushtuar rrugën “B” si dhe këto pamje të jetës plot me “dinjitet” mes qensh në kryeqytet,” ka shkruar Kastrati.