Samiti i 13 shteteve të Procesit të Bashkëpunimit të Evropës Juglindore do të nisë të hënën e 13 qershorit në Selanik të Greqisë. Në këtë samit do të marrin pjesë kryeministri i Shqipërisë, Edi Rama dhe presidentja e Kosovë, Vjosa Osmani.
Gjatë paradites së 13 qershorit do të zhvillohet takimi i ministrave të jashtëm, ndërsa në mbrëmje pritet të mblidhen krerët e qeverive. I pranishëm do të jetë edhe kancelari gjerman, Olaf Scholz dhe Presidenti i Këshillit Evropian, Charles Michel.
Së pari, seanca plenare e samitit do të nisë me fjalën përshëndetëse të kryeministrit grek Kyriakos Mitsotakis, dhe më pas do të vazhdojnë fjalimet e krerëve të delegacioneve të tjera.
Ky Samit do të përqendrohet në shkëmbimin e pikëpamjeve për bashkëpunimin rajonal, ndikimin e zhvillimeve ndërkombëtare, veçanërisht, të luftës në Ukrainë.
Gjatë samitit, pritet të miratohet raporti vjetor i bashkëpunimit rajonal.
Agjenda e Samitit SEECP në Selanik
17.20 – Mbledhja e krerëve të delegacioneve në sallën ku zhvillohet samiti.
17.35 – Foto familjare.
17.40 – Zhvillimi i seancës plenare të samitit SEECP.
Fjala e hapjes nga z. Kyriakos Mitsotakis, Kryeministër i Republikës së Greqisë.
Fjalë e Kryeministrit dhe krerëve të delegacioneve të tjera.
Shkëmbim i pikëpamjeve për bashkëpunimin rajonal – ndikimi aktual i zhvillimeve
ndërkombëtare në rajon.
Miratimi i Raportit Vjetor të Këshillit të Bashkëpunimit Rajonal.
Miratimi i Deklaratës së Samitit të SEECP të Selanikut.
20.00 – Konferencë për shtyp e z. Kyriakos Mitsotakis, Kryeministër i Republikës së Greqisë.